Skjervo

Snart er det jul igjen

2011-11-25T20:11:00.000+01:00

Jammen lenge sidan eg har vore her. Hausten har vore travel. I gårkveld tok Kjellargjengen juniorklubb på bedehuset juleferie. Vi avsluttar med restaurantkveld for slekt og venner av deltakarane og av klubben. 70 stk koste seg med 3 rettes middag. 18 flotte juniorar var servitørar og dei var kledde i svart og kvitt serverte. Med stor entusiasme gjorde dei ein formidabel jobb.

Godt hjelpa av venner og Luster vidaregåande som låner oss kjøkken og utstyr når vi ikkje har nok på bedehuset. Mellom hovedrett og desserten hadde vikarpresten andakt.
Og her ermenyen:
Forrett
Fingermat
Hovedrett
Ovnsbakt Laks ris og salat
Lasagne m ris
Dessert
Moussefantasi
Bringebærdraum
Kaffi
Drikke
Brus
Vatn
Pris: vaksne 100/barn 50

Dette arrangementet lyser opp i ein elles våt haust.
No går det fort mot jul. La oss ikkje kava, men nyta tida som eg lærte i går under andakten at advent ikkje tyder ventetid, men ankomst. Vi ventar Jesu ankomst

Sommaren er nesten over

2011-07-30T23:07:00.004+02:00

Denne sommaren har glimra med sitt fråver. Men vi har hatt litt sol, og no nokre dagar har vi kjent at det faktisk er sommar endå.

Vi har vore i Lyngdal på bibelcamping saman med koret LaJoMa. vi hadde ein fin tur saman med Sigrid og Norvald som køyrde med oss og med Asgeir, Thomas og Miriam, som skulle ein tur til Halden for Porsgrunn og ferie.

Vi hadde kjekke dagar på Skjervo saman med dei. Vesle Thomas er ei solstråle, blid og fornøgd her på farfars fang.

På Birkeland fekk vi god overnatting hjå Anna Sofie og Norvald før vi sette nasen mot Lyngdal og nesten ei veke.

Fredagen vart annleis enn forventa, heile Noreg vart rysta av tragedien på Utøya og i Oslo.

Det var då godt å kjenna at eg hadde ein å gå med alle mine tankar og at vi der kunne få lyfta alle som er i sorg og fortviling opp til Han som all trøst kan gje.

Heimvegen gjekk om Rogaland, Nordsjøvegen til Sandnes og vidare Hordalan og Rosendal før vi for alvor sette nasen heim.

Dette er Egersund

Sommaren er her

2011-06-27T18:14:00.000+02:00

Mykje har hendt sidan sist. Vinteren er over, men me hadde mykje snø.

- og våren trudde vi kom seint, den kom fort, men brått var den her.

Vi har feira både påske, 17. mai og pinse.

Veitestrand 14. mai 2011

Besøk har vi og hatt og turen gjekk både til Veitastrand og Mollandsmark. Her utsyn over Hafslo frå Mollandsmarka.

Og 15 mai vart vi er besteforeldre ein god liten gut. 21. mai reiste vi til byen saman med oldemor på snart 85. det var kjempekjekt.

Me gler oss storleg.

Sangarstemne har det og vore på Hafslo, den var første helga i juni.

Kalvåg

og LaJoMa var på Sogn og Fjordane indremisjonsforbund sitt årsmøte same laurdag som songarstemna.

Godt nytt år. Happy new year

2011-02-12T17:33:00.001+01:00

Ser det er lenge sidan eg har skreve noko. No er det alt februar.

Mykje har skjedd sidan sist. Vi har feira jul, og Nina var heime i 2 veker og fekk feira bursdagen sin her for første gong på mange år. Vi koste oss. Ho kom så ho fekk med seg julesong 10. Dette er fjerde året ho får den med seg.

Asgeir og Miriam kom til dagen hennar og var her til 1. januar. Alltid flott å ha dei heime
Julafta var besta med oss og ho vart over til 1. juledag, det er og uvanlg, utruleg kjekt.

her er trekløveret samla

Here is our daughter at her birthday an our son and our daughter- in-law

Snø har vi fått så det held. Det starta før jul med mykje snø, og i januar og ferbruar til no har det vore nedbør nesten kvar dag. Vi har brøyta og moka snø. Veit ikkje kor mykje snø det er komme, men vi har moka terassen ca 6 gonger og kvar gong mellom 30 og 40 cm . Tak har vi moka, men vi lurer veldig på kor mykje snø det er på hytta og på selet. Vi får håpa at det går bra og ikkje slik som det gjekk her:

We have a lot ov snow this year, and when the snow is to heavy, it goes like this.

dette er berre ein av tre snødungar
as you can see, a lot of snow

I dag har vi vore på vår første skitur på to år. I fjor var det ikkje snø, men i dag kom årest flottaste dag. Sol frå klar himmel, 13 minusgrader og nydele preparerte løyper. Utanfor løypene er det eit slit å gå.

To day we have been out outing on ski and it was fantastic.

Flott natur. Vi har ein fantastisk skapar. Vanskeleg å tru at alt dette berre kom av seg sjølv, bang.
Gud er god. Han som ikkje sparte sin eigen son, men gav han for oss alle.

November er her

2010-11-06T00:34:00.001+01:00

og det er lenge sida eg har skreve her. Hausten har vore fin, men travel. No er vi komne so langt at vi har starta å øva til julekonsertane. Måndag song vi Glade Jul, rart å syngja det 1. november, men det må til.

I september var vi saman med Hafslo Songlag på tur til Budapest. Det var ein oppleving.

Dette er Geljertstatuen.

Slottshøgda

Donau

Helteplassen

Parlamentet

Basilikaen i Eztergom

Fredsstatuen på Slottshøgda

Budapest ved natt

Besøk på slotte i Viesegrad

Litt fleire bryllaupsbilder

2010-08-29T22:18:00.001+02:00

Kake er spretta

August og bryllaup

2010-08-09T12:16:00.001+02:00

Ja, så er det gjort, Asgeir og Miriam gifta seg 7. august i Ostereide kyrkje. Karl Erik foretok vigsla og leia samværet i kyrkja. Eit flott samvær, nydeleg brudepar og tårevåte auger på fleire, (i allefall forlovar Maria og mamma Bodil).
Miriam var ei prinsesse der ho kom inn saman med far sin. Asgeir var flott han og. Vi var stolte foreldre og besteforeldre tilstade i kyrkja, mange gjester og andre som ville oververa sermonien.

Asgeir

Miriam og Maria

Nina les ein av tekstane

Karl Erik forrettar

Brudeparet deltek i lovsangen

No er dei rette ektefolk, Maria rettar kjolen, Jørgen ser at det går rett for seg

Sommar og ferie

2010-07-06T00:32:00.002+02:00

No har familien vore på ferie for første gong på mange år.
Turen gjekk nordover saman med Nina, Asgeir og Miriam. No var det Helgeland som sto på programmet. 5 vaksne i ein bil, ja dette kunne bli ein utfordring. Miriam fekk i allefall oppleva oss tett på i ei heil veke.

Vi starta med ein maratonetappe frå Hafslo over Sognafjellet til Steinkjer. Der tok vi inn på hytte nr 13.

Dagen etter gjekk vegen vidare til Namsos og ferje til Brønnøysund der vi overnatta på Thon kystferie. standaren steig med andre ord.

No sto Torghatten på skjemaet, men først måtte vi ha mat. I dag vart det kinarestauranten i Brønnøysund.

Det var ein rar kjensle å gå inn i holet på ei side, gå ned ei trapp og så ut på andre sida. Langt nedunder oss var det ein gard. Det var litt av ein katedral og Charles song ein Petter Dass salme så det joma.

Dagen etter gjekk turen til Horn og ferje via Vega til Tjøtta. Vi var innom Ylvingen på veg til Vega. Vart ikje store stoppet på Vega, men rett inn på neste ferje som venta på oss. Vi køyrde vidare til Petter Dass museet og kyrkja på Alstadhaug.

Så gjekk turen til Levang og ferje til Nesna. No var vi kommen til ferje nr 3 denne dagen. Over Sjonfjellet og til Kilboghamn og ferje til Jektvik. Ferja var veldig sein så det skulle halda hardt å rekkja neste ferje frå Ågskaret. Men det gjekk så vidt, dei venta på oss of vi kom etter ruta til Forvik. Handla mat på Halsa og så

skulle vi overnatta på Åmnes.

Vi hadde gjort avtale med Gunnar og Sigrid frå Bergen som var på sitt årlege sommaropphold på Åmnes.

Hjå dei fekk vi kaffe og mat. Kjekt å vera på vitjng igjen. Mange år sidan sist.

Gunnar følgde oss på vegen slik at vi skulle vinna stien til fjellet over og eit lite fjellvatn. I kveld var det fint og rimeleg klart vær og vi skulle få oppleva midnattsola.

Det var eit flott skue, klart så vi såg Lofotveggen og Vesterålen langt i det fjerne. Det var nesten som dei hang ned frå skyene.

Dagen etter skulle vi sjå oss litt om på Engavågen og i Vassdal. Her møtte vi tante Marie, ho vart veldig overraska. Vi måtte sjå kor bestemor Hildur kom frå og kor Charles var som liten. Litt av uthuset sto endå, men av huset var det berre muren att.

Ferja vidare til Ørnes og til Svein. Han serverte middag til heile 14 stykkjer. Flott å treffa familien att.

Her overnatta vi på kyrkja.

Etter ein god og lang frukost hjå Svein og Torill, starta vi på tuen til Mo via Saltstraumen og Saltfjellet.

På Polarsirkelen står det og eit monoment over jugoslaviske fangar frå 2. verdskrig.

På Mo møttes vi til grilling hjå Ann Helen og Rune saman med heile familien på Mo og Margaret , Harald og Karoline frå Halden. Kaffen fekk vi hjå Tora og Oddvar før vi tok natta på campingen. Neste dag var det Grønnligrotta som sto for tur. Her har vi vore ein gong før, men denne gongen hadde i moderne kamera som ikkje trengte film.

Neste natt vart i kyrkja. Flott med kyrkjer som er utstyrt med dusj.

Turen tok på, så vi måtte ha nye dekk på bilen før vi snudde nasen sørover.

No forlet vi Mo for denne gong.

Neste stopp var Trondheim og Royal Garden. Heimkom vi seint laurdag kveld, då var det gått 7 dagar sidan vi reiste på ferie. Nina kalla dette ein type japansk ferie. Vi overnatta på 6 ulike stader og tok 7 ferjer. Slå den. Men ferien var vellukka den, vi var like god venner ved heimkomst. Nina forlet oss på Otta.

På turen har vi møtt mange vi ikkje har sett på mange år. I Trondheim møtte eg ei venninne som eg ikkje har sett på 16 år. Det var 8 år sidan vi var på Mo sist og på Ørnes er det endå lenger sidan vi var.

No er våren her

2010-05-26T19:48:00.001+02:00

men varmen let venta på seg.
Kristi himmelfartsdag, 13. mai, var vi ein tur på Håvarsete og slik såg det ut då.

No er vi mest heilt ferdig med badet oppe og. Huset er ferdigt, vi skal berre ordna dusjen oppe.

Og slik vart det, lukkelege er vi som kan seia et vi er ferdige.

Vi nyttar alt, her er døra til kottet.

No skal vi byrja ute og ryddja vekk gamlahuset. Vi ser fram til ein innhaldsrik sommar. Vi håpar at vi kjem oss på ein liten tur saman med dei unge. No er det snart ferie, uff kor fort tida går.

2. pinsedag var vi saman med ein del av koret ut i Sunnfjord på pinsestemne i Indremisjon. Det var ein kjekk tur. Vi bur i eit storslått land med stor variasjon. Må vi berre ta vare på det og oss sjølve. Ja. pinsa er ei mektig høgtid, tenk kor rikt utrusta vi er, må vi kvar dag fylla oss med Anden.

Snart er 1. kvartal over og eg lurer på om

2010-03-12T18:53:00.002+01:00

det er for seint å ønskja alle godt nyttår?
Eg seier likevel Godt nytt år og god fastetid. Snart er det påske.

Eg vart litt overraska over at det er så lenge sidan eg har skreve noko her. Vi har det berre bra.
Vi har hatt ein fantastisk flott vinter, ikkje mykje snø, men nedbørsfattig og kald vinter.
Vi jobbar med resten på loftet. Badet manglar litt og kottet litt, så kan vi seia oss ferdig med det store, då er det berre småting att. Gler oss til det.

No kjenner vi at vinteren slepp taket, mildværet er på veg, iallefall for ei tid. Det dryp av taka, fuglane i treet syng, solsikkefrøa går som varmt kveitebrød, i går hadde vi +8. På det kaldaste i vinter var det -23 på Skjervo. Nede ved vatnet, som har vore islagt, var det - 32 på det kaldaste. Nesten som i gamle dagar når eg var lita.

Men den fine vinteren tek sin små offer. Ein stakkars fugl som på leit etter mat kolliderte med glaset på terassen. Kulden tok nok livet der i snøen.

Mykje sol og fint vær gjer vinteren kortare, vi har nytta søndagane til å lufta oss.

Nokre bilder frå dei første månadene i det nye året. Charles og eg gjekk tur på skogsvegen ein søndag i februar.

Skjervo i vinterprakt

skogsidyll

Asgeir og Miriam heime i vinterferien saman med venner. Den første utekaffien i 2010.

Men frukost tek dei inne.